وكان الفريق القائم على العمل من حيث التنفيذ والتمويل مؤلفاً من عضوين فقط: عبد الرحمن الجندي وإياد كرز .. كما قدم لنا الدعم المعنوي من حيث الحضور ..غسان حج علي .. وقام بالتصوير


[/center]

للأهمية مريت ليلاً بعد اجتماع الأعضاء يعني حوالي 9.5 وكانت السلات بمكانها وما راحت ولا وحدة
كمان كان بعضها فيها وسخ دليل دخولها مجال العمل وصار يدور براسي أفكار عن نظرة الناس اللي ما بيعرفو مين حطهم للموضوع من قبيل أنو البعض رح يقول:
هيدي البلدية حطتهم كالعادة تمشاية حال واكيد بيكونوا عملولهم شي فاتورة عليهم بكم مليون
..
.
دمتم على ثقة

معك حق بكلامك ياعبد
بس يلا عقولة المتل
اعمل خير وكب بالبحر
وبما انو البحر قريب جدا من هالخير يلي عملناه فلازم نكتر منو شو رايك

شكرا لجهودكم

الله يعطيكم العافية يارب
بس السؤال بي ينملو هودي السلات مين راح ينضفهم؟؟؟
وذلك لسببين
الاول انو البلدية مش مهتمة بالموضوع
والتاني انو انتو ثبتو السلات يعني صعب انو الواحد يكها حتى يفضيها

بس بتبقى خطوة مميزة
وشكرااا

لاتخاف خيي سايلو
عند عبد الحل اليقين
دارسها من جميع الجوانب لانو هو وعم يعلق السلات خطرت عبالو نفس الفكرة تبعك ولقالها حل لاتخاف

الحقيقة يا خي سيلور كلامك دقيق وانتبهنا اله ولما كنا عما نركب كنا نفتقد لأي طريقة مناسبة لتحريكها من غير تخريب لكونها ضعيفة السلة
وبخصوص تفريغ السلات طبعا انتبهنا اليه من البداية وقلت هالشي لإياد بس أنا ناوي كل يوم بالمشوار الصباحي فرغ السلات بشكل مقبول بكيس زبالة عادي بحملو معي وبطلعو خارج المينا اذا الله يسرلنا
منصير زبالين شو المشكلة لبينما ينتبهو بالبلدة علما انه احد مهندسي البلدية كان موجود وعم يصطاد سمك بالمينا بمكان اللي اشتغلنا فيه
..
.
دمتم مهتمين

عبد الرحمن الجندي كتب:الحقيقة يا خي سيلور كلامك دقيق وانتبهنا اله ولما كنا عما نركب كنا نفتقد لأي طريقة مناسبة لتحريكها من غير تخريب لكونها ضعيفة السلة
وبخصوص تفريغ السلات طبعا انتبهنا اليه من البداية وقلت هالشي لإياد بس أنا ناوي كل يوم بالمشوار الصباحي فرغ السلات بشكل مقبول بكيس زبالة عادي بحملو معي وبطلعو خارج المينا اذا الله يسرلنا
منصير زبالين شو المشكلة لبينما ينتبهو بالبلدة علما انه احد مهندسي البلدية كان موجود وعم يصطاد سمك بالمينا بمكان اللي اشتغلنا فيه
..
.
دمتم مهتمين

يا سيدي كتر الله خيرك

عنجد الله يعطيكم العافية
بس لازم تكونوا اكتر مشان السرعة والفاعلية
مشكورين على المساهمة الرائعة اياد وعبد

الله يجزيكم الخير
الحمد لله انه مشكلة المينا انحلت بس المشكلة جوة البلد موجودة كمان و لازم البلدية تحلها بسرعة و قبل ما تنظف لازم تحط سلات قمامة مشان تحافظ عالنظافة و تدوم اكتر
في مرة كنت نازلة عالسوق و بنتي معها كيس شيبس خلصته دورت على سلة ارميه فيها ما لقيت بقيت حاملته على امل اني لاقي شي سلة بطريقي و خاب املي من اول البلد للسوق و لاسلة طلعت بطريقي
ما بخبي عليكم ما كان عندي حل غير حطه بقب كرتونة مدري مين راميها على جنب