انا بحب شوف نص الكاسة المليان بس بنريد لمدينتا الافضل تعليقي عالشوارع المحفرة ونقص المساحات الخضراء والسم المنبعث من المصفاة مشكور اخي موضوع مهم

شكرا الك نجم ملاحظات دقيقة طبعا الشوارع المحفرة ودخان مصفاة بانياس بعتقد انو مافينا نعملهم شي بس المساحات الخضراء هي بترجع لاصحاب الاراضي

بكره ببانياس كتر حكي الناس عبعضها بسبب و بغير سبب

مرحبا
كل شي بيتصلح هو عيب مؤقت ولكن العيوب الدائمة متل سموم المحطه الحراريه من الجنوبالغربي ومن المصفاة في الشمال كأننا في سجن من السموم وبعتقادي لايوجد اسوء من هذه العيوب

سامي ماحدا بيعارضك انو مدينتنا ناقصها كتير لانو هاد شي واقعي ومشكور على مرورك
ريحانة كلامك مظبوط ولازم يصير في ضبط من الاهل لابناءهم ويوعوهم بشو عم يعملو وشو عم شوهوا ومشكورة على مرورك
بانياسي طبعا هادي عادات شخصية من الصعب انو نحنا اللي نغيرا للناس المفروض الاقرباء الواعين يقلولهم يبطلو هالعادة وشكرا على مرورك
كامل هالشغلة قلت انو نحنا مافينا نغيرا ممكن والله بعين ومشكور على مرورك
مشكورين على مروركم جميعا وبتمنى المزيد من الاراء

في بأول با نياس كوع قاسي"يمكن اسمو كوع سليم " ما بطيقو لأني عملت عندو بزماني حادث
هههههههههههههه

هههههههههههههه مشكور اخ ابو الحسنين على مرورك نورتنا

انا اكتر شي بكرهه في بانياس :

• الحفر اللي موجودة بنص الطرقات
  
• المي اللي مدلدقة على اغلبية الطرق
  
• الزبالة اللي بترميها الناس عالرصيف او امام بيتهم او تحت شي شجرة....
  
• نفسية بعض الناس<البعض مو الكل>
  
• الكتابة عالحيطان من قبل الاولاد
  
• لأ وبتكون ماشي بهالطريق وبتشوف مجموعة اولاد لسه ما فقصوا من البيضة كل واحد منن بيحكي كلمة اكبر منو بمليون مرة>>الاول بيكفر والتاني بيحشك.....<<
  
• وكمان هالدخنة اللي عم تطلع من هالمحطة اللي شوفتها بس بتغبب عالقلب بقا كيف وقت اللي واحد بدو يشمها
  

اخر شي بقدم تحية شكر الك يا رونالدو على هالموضوع


ارجو تقبل ارائي ومروري

شكرا الك ريكاردو مرورك جميل وكل اللي قلتو مظبوط وانشاء الله كل هالمشاكل بتنحل

شعبها