السلام عليكم
اليوم كانت أخر جولة بالمعارك بيني وبين الامتحان وللأسف اليوم النتيجة لصالح الامتحان يلا خيرها بغيرها
كان أمتحاني الساعة9 بس طلعت من الساعة7,15
لأنو متل ما بتعرفوا بدنا نروح تنقل (بانياس-جبلة) (جبلة -اللدقية)
وأنا في السيرفيس متجهة للاذقية شممت رائحة سيجارة بجانبي
انصدمت بنت مشعلة سيجارة وعم تشرب بالسيرفيس
بصراحة ذهلت من المنظر
اتطلع عليها وأنا ما عم بقدر صدق
شو صار بالدنيا

الله يسلمك
بس والله حسيت أنو نصدمت
معك حق هالظاهرة نتشرت كتير خصوصاً بالجامعة
بس ماتوقعت بالسيرفيس

لسة ما شفتي شي؟؟؟؟؟لسة البلاوي جاية والله يستر على الجيل الجاية

اي والله يانور
الله يستر

فان همُ ذهبت أخلاقهم ذهبوا.........للأسف ذهبوا
المهم سلامتك ياندى الايام

أولا الحمد لله على السلامة كان أحلى يوم بالسنة يوم ما يخلص امتحان الجامعة وكنا نكافئ حالنا ونروح مشوار طويل ياخد كل النهار ....وثانيا عن جد صار شي مقزز على أيامنا من كم سنة ما كانت منتشرة هالظاهرة كتير بس كانت موجودة بالجامعة أما بالسرفيس فهاي جديدة والله يستر من الأعظم

اي والله يا هنا أحلى يوم كان اليوم ولو أنه بيبلش الملل
بالجامعة صار شي عادي
بس بالباص مو عادي

مرحبا للجميع ..
انو كانت كم تشرب سيغارة بس ؟؟؟ ولا عم تدخن وتشرب شي علبة بيرة ؟؟؟

أهلا فيك
هالمرة كتفيت بسيجارة لأنو كانت الساعة 7,30 الصبح
المرة الجاية الله يستر