مرحبا...
آخر إحصائيات المنتدى تدل على أن نسبة 80% من الاشتراكات هي:
- جزاك الله خيراً..
- تقبل مروري..
- شكرا لمرورك..
..
فما رأيكم دام فضلكم..؟


..
وقد تقرر أن يسمى منتدى بانياس بـ (منتدى تقبّل مروري)
فما رأيكم بهذا الاسم الجديد؟؟

رأيي الشخصي يا صديقي
ليس كل المواضيع بحاجة لأن يضيف فيها العضو تعليقا فيوضح مبهما أو يزيد فائدة
وبما أن كاتب الموضوع قد تكبد العناء والتعب في كتابة الموضوع أو حتى نقله فهو بحاجة إلى من يشعره بأن موضوعه قد قرأ ولم يهمل حتى يزيد عطائه وبذله
فلا بد من تعليق بسيط لطيف يشكر للكاتب جهده
أما المواضيع التي تحتاج لنقاش وابداء للرأي فهذه يقبح معها ما ذكرت يا صديقي
هذا رأيي
( وتقبل مروري )

منيح يا رئيس التحرير اذا ضاقت فيك الدنيا بتشتغل بشي مركز احصائيات
والله حلو الاسم الجديد للمنتدى
يعني حلو بعد ما يكون الشخص كتب الموضوع يشوف شو رأي الناس
اوحتى يشوف تعليق حلو يدل على أنو عجبهم الموضوع
وتقبل مروري

انا معك يا اياس وسبق حكينا بهالموضوع وهوي مو مزحة أو خرطة بانياسية ليكون بهالقسم
شو خجلان تواجههم بالموضوع وانت رئيس التحرير ولا شو
بس احيانا بتكون هالجمل المختصرة مناسبة في حال اراد صاحب الموضوع يوضح للزوار انه عم يتابع تعليقاتهم على موضوعه وهيك بيخلي موضوعه بالمقدمة دايماً
بس كمان يفضل أنه الواحد دائماً يحاول يزيد الفائدة بالموضوع ويوضح فيه بتعليقاته ليعطي اهمية للكلام مو مجرد مرور
يالله عالعموم مو مشكلة المهم انه الواحد ياخد باله ويتصرف بمسئولية مو بأنانية

وشكراً عالموضوع

انا برأي الواحد يحط بتوقيعه هالجمل المكررة ومافي داعي يكتبها كل ما علق من جديد لانه صارت موضة

تقبلوا مروري

قبل ما يجي يوم ويوصل حال المنتدى لمرحلة

عظم الله اجركم

طيب منيح وشكرا الكم وعظم الله اجركم
يا اولاد الحلال هلق صار لازم انو نعمل شي اجتماع تحت رعاية السيد رئيس التحرير وبرعاية السيد مدير الموقع
وتحت اشراف الكبار
وهيك كل واحد بيقول اللي مو عاجبو او ملاحظاتو المفيدة

طبعا لازم يكون في نقد وحبذا ان يكون بناء




ايـــــــــاد

اياد كرز كتب:
يا اولاد الحلال هلق صار لازم انو نعمل شي اجتماع تحت رعاية السيد رئيس التحرير وبرعاية السيد مدير الموقع
وتحت اشراف الكبار
وهيك كل واحد بيقول اللي مو عاجبو او ملاحظاتو المفيدة

..
وما تنطق عن "هوى" ياشامي الهوى.. .. أعتقد لاحواجز بيننا على الإطلاق حتى يمتنع أي أحد عن الإدلاء باقتراحاته أو المباشرة بالنقد وحتى النقض..

(حتى لاننسى)...
..
تشرّفتُ بعبوركم سبيلي
..


..

بسم الله
حلو طرح هيك موضوع
بس مثل ماقال الأخ أبو الفدا
ليس كل المواضيع بحاجة لأن يضيف فيها العضو تعليقا فيوضح مبهما أو يزيد فائدة
فلا بد من تعليق بسيط لطيف يشكر للكاتب جهده
أنا أوافقه الراي بشكل كامل
الأخ الحق قال
وللعلم فقط يوجد بالمنتدى حوالي 20 % من المواضيع المهمة والمفيدة وما تبقى يدخل في باب التسلية والمواضيع المكررة ومحاولات شعرية لا ضرر منها
يعني مابتستاهل هذه المواضيع والمحاولات الرد والتعليق
بعض الإخوه حط أنو الشغله شغلة زيادة عدد المشاركات لا أكثر ولا أقل وإذا كنتم تعتبرونه موضوع مزعج
معناها عندنا حل واحد من إثنين
1- انكم تلغوا شي اسمه عدد المساهمات
2-أو تصنفوا أفضل عشر أعضاء بالمنتدى من ناحية طرح المواضيع وليس من ناحية عدد المشاركات

من الآخر
انا شايف ان هذه الردود بأي صيغة كانت تمثل تشجيع للكاتب وان أي قارئ لاتهمه الردود بقدر مايهمه الموضوع
وبقول (إذا ماعجبك تعليقي إقرأ على الأقل توقيعي)والله في تواقيع كتيييييير حلوه
وشكرا

أنا مع هذا الطرح وهو جيد لعل للإدارة رأي آخر

1- انكم تلغوا شي اسمه عدد المساهمات
2-أو تصنفوا أفضل عشر أعضاء بالمنتدى من ناحية طرح المواضيع وليس من ناحية عدد المشاركات

هذا ما طرح DR-SYRIA

إياس بياسي كتب:(حتى لاننسى)...
..
تشرّفتُ بعبوركم سبيلي
..


..

شكرا للتذكير




ايــــــــــــــــــاد

أضم صوتي لصوتك أخي أياس
فأنا برأيي أيضا
"إن لم ترد أن تعلق بما هو مفيد أو تضيف ما هو جديد فلا تفعل شيئا زيارتك وسنقدرنحن لك مرورك بدون أن تطلب منا ذلك"
إن ما أقصده من المواضيع بكلامي هو المواضيع العلمية والتي قد يكون صاحبها بذل فيها مجهود كبير"أغلبه نسخ لصق" أو المواضيع التقريرية التي تحتاج الى تعليق مفيد تبدي فيه رأيك فتؤيد الفكرة الصحيحة وتضيف إليها ما تعرف
وتنفي الفكرة الخطأ"من وجهة نظرك" وتضع برهانك على خطئها

لنعمل معا لنرقى بمنتدانا

ومشكوووور أستاز إياس لقد ضربت على وتر حساس

مرحبا
مابعرف شو يلي ذكرني بهالموضوع هلأ

ندى الأيام كتب:مرحبا
مابعرف شو يلي ذكرني بهالموضوع هلأ

وانا كمان متلك

قرأته بالصدفة اليوم فحبيت ارجع ذكر فيه