والله معكن حق تزعلو
بيت جدي الكبير يعني جدو للبابا والماما كانو ساكنين فيه من تمانين وتسعين سنة
سبحان الله الدايم

لا حول ولا قوة إلا بالله

طول بالك

لسى كل البلد بدها تنهد ... لمصالح شخصية

عوضنا على الله

اذا وقفت علي معلش مو مشكلة!!
لييش انهدم؟؟

لا حول ولا قوة إلا بالله

يا حرام بالفعل شيء محزن ومؤسف انو لحد هلق في عنا ناس ما عندا اي ادنى حس بالجمال والاصاله ,صحيح البيت قديم كتير بس بالرغم من هيك كان عاطي جماليه للكورنيش وكان من المعالم البانياسيه ,تفووووووووو على هيك وضع خلا الامر باءيد ناس ما بيستاهلو بس الواحد بيرجع وبيقول اذا المواطن بذاتو عم يهدوه ويحطمو من معنوياتو ومقدراتو لمصالح شخصيه لهيك هدم هيك بيت كان بامكانو يتحول لاحلى متحف ويبقى تراث يخلد هالمدينه مارح يغبر عليون بشي ,ياريت كان بالامكان نعمل شي هلق خلص عم تقولو انهدم انا ماني عايشي بالبلد مابعرف اذا انهدم او لسا ,بس كان بالامكان نعمل ولو مسيرة بسيطه نتجمهر فيا قدام البلديه او نعتصم قدام البيت نفسو واذا بدون يهدوه فوق روسنا يبقو يهدوه عالقليله كنا فينا وقفنا عمليه الهدم لبين ماعرف الواحد شو يعمل ....بقلكون انا عم احكي كلام العاجز لان شو ما عملنا أكيد ما كنا رح نغير شي لان المصالح فوق الكل ..عوضنا على الله بلكي بيوتنا بالمستقبل بتصير معالم أثريه واحفادنا بيحاولو يمنعو البشر من هدما لمصالح شخصيه.....البقاء لله يا شباب والله يستر ما يهدو بيت جدو لزوجي اللي تربى وترعرع فيه ترى هوي كمان عالكورنيش ومن اقدم بيوت بانياس ,

مرحبا.. إي والله معكن حق جميعا ..
اليوم الصبح أثناء الرياضة الصباحية شفت عمليات نقل الأنقاض والركام ..وقفت شوي وأنا عم اتطلع ومو مصدق إنو هيك بناء ممكن ينهدم ..
يمكن من حق المالك يعمل شو مابدو ..
بس برأيي الدولة وتحديدا مديرية الآثار بتتحمل المسؤوولية الكاملة وما إلها أي عذر .
بتصور بدولة تانية كانت بتتقطع إيدين على هالعملة ..
حسبنا الله ونعم الوكيل ..

يا جماعة أنا ما كتير بعرفو _ بس لفتلي نظري أكتر من مرة مريت فيها جنبو ...
فعلاً شي بيزعل وبيحرق القلب لأنو أي معلم أثري وتراثي عريق لازم يكون الو من الاهتمام نصيب وتضل ذكراه حاضرة قدام أعين الجميع
أكيد اللي هدموه مقللين من قيمتو لقلة وعيهم وثقافتهم وأصالتهم...
أخ عبد الرحمن انت قلت انو ممكن نساعد وبتمنى اعرف كيف وحاول على قدر الإمكان اني اعمل شي يوقف هالمهازل اللي عم تخرب
وتشوه بلدي الحبيب ....

هلأ يمكن لللبيت مكانة كبيرة عند البانياسيين بس :
أنا دخلت عليه ضمن إحدى الدراسات المطلوبة في الكلية و وجدت حالته سيئة أكثر مما تظنون .
الرسوم التزيينة على الأسقف و الجدران في حالة اهتراء تام و تتساقط دون حتى اي لمس ، و أرضيات الطابق العلوي متساقطة
و مهتزة في معظمها و غير صالحة أصلاً للمرور أو الوقوف فوقها ، هذا عدا عن وجود فتحات كبيرة فيها "ترى منها الطابق السفلي "
يعني باختصار حالة البيت لا يمكن أصلاً ترميمها لأنها تحتاج إلى عمليات بناء جديدة تماماً .
أكرر أنا زعلت عالبيت "كونه يحتل مكانة مميزة على الكورنيش " و لكن :
المصالح الشخصية هي التي تملكه و هي حرة "تماماً" في ملكها .

شكراً لمشاعركم الصادقة أصدقائي وأطمئنكم أنني لن أتوقف عند هذا الحد وهناك مساعي قادمة لايصال القضية لأعلى المستويات المختصة إبتداء من الغد
هناك إشاعات تتحدث عن اكتشاف أثار وكنوز ثمينة في الموقع دفعت بالمالك للقيام بهذه الخطوة الغير منطقية والغير اخلاقية
كل ما أطلبه من الله بعد هذه المأساة هو الإنتقام ولم اشعر بحياتي بشعور نقمة مشابه لهذا الشعور الذي ينتابني تجاه هذه الجريمة ومن قاموا بها
والله ولي التوفيق

دمتم على ثقة