الملف أصبح بين يدي مديرية الأثار والمتاحف وموقع سيريا نيوز الاعلامي وجهات أخرى كثيرة رسمية وغير رسمية
التحقيقات ستدخل غداً بشكل جدي وفعلي
أصبح لدينا مقطع فيديو بدقة عالية يصور الحادثة وتظهر به بوضوح همجية العملية كما لدينا صور تفصيلية للموقع
.
.
دمتم ودامت جهودكم

وصلنا أخيراً ان المالك حصل على موافقة بهدم بعض النزل بحديقة القصر وأثناء عملية الهدم لم يكتفي القائمين على الموضوع واكملو هدم القصر برمته
وعلمنا ان رئيس مجلس المدينة تفاجأ بعملية الهدم الكلي بداية, لكنه تعامل مع الأمر كواقعة منتهية صباح الجمعة وأمر العمال بالإسراع بعملية التعزيل خلال ساعت
.
.
دمتم

يا أخ عبد الرحمن كل شي كتبتو حلو كتير وياريت يصير متل ما بدك واكتر بس الحكي سهل,رح تلاقي مصاعب كتير بتحقيق هالشي على ارض الواقع ,بلدنا ومنعرفا والنقوس اللي فيا ومعاملينا ,انت عندك حس وطني عالي كتير وياريت الكل متلك كانت بانياس بتكون من أحلى المدن ,انا ما بدي حط من همتك لا ,بتمنىلو خسرت شو ما كان ولا انهدم وبس اللي انهد مارح يتعمر ولو حصل مارح يكون الو لا بهجه ولا خصوصيه متل اللي راح ,على كل الله يكون معك بمساعيك وانشالله بتتكلل بالنجاح ونحنا معك والله ولي بالتوفيق.

شكراً الك اخت هالة بس بدي وضحلك شوية امور
اللي صار بالقصر تم بالتلاعب مو بالموافقة الرسمية وهالشي بيصير بكل مكان بالعالم بس مالازم نسكت والا الافضل نهاجر اشرفلنا
لازم يرجع البناء لمكانو بأي طريقة من الطرق ولو ما كان نسخة عن الوضع السابق يعني المهم "تتوقف احلامهم وتبلش أحلامنا"
.
.
شكراً الك
دمتم سالمين

مرحبا ..
والله يا خيي عبد مابعرف شو بدي قلك ..
بتمنى من قلبي متل قالت هالة إنو أحلامك وأحلامنا جميعا ..
بس ليك بقترح عليك تحط عداد إيام متل ماكانو حاطين عتلفزيون المستقبل

شكرا زوربا بس حتى موضوع الايام ما فاتني وهوي شرعي تمام
عزاء المتوفي 40 يوم وهني ايام صبري وبعدها رح هج من هالبلد اذا ما بين شي وشي محرز
والله ولي التوفيق
.
دمتم

لاه يا اخ عبد مابدنا تهج من البلد لأن اذا خلت خربت طول مافي من امثالك بالبلد رح تتعمر اذا الله راد واذا حبيت تهج أ نت نحنا كيف رح نفكر نرجع للبلد اذا الصوت اللي ييحكي عنا بيكون راح من غير شر ,وجود اشخاص متلك بيشجع الغايب انو يرجع لأن بيدل على وجود امل ليتصلح حال البلد ويارب يصير متل ما حكيت لأن احلامون ما لازم تتحقق ,لانا أحلام مخربه وانشالله أحلامنا واحلام اولدنا اللي بتعمر هيي اللي بتتحقق ,رح ادعيلك وانشالله بتفشل مساعيون ,عالاقل اذا ما نجحت بتكون سببتلون قدر كافي من الازعاج والتوتر ,ومتل ما بيقولو حتى لو مافيك اخدت حقك عالقليله بينو

شكراً لزوقك اخت هالة واهتمامك الكبير على خلاف البعض اللي كان أملنا فيهم أكبر ولو انهم معذورين
القضية أكبر من أنو ينسكت عنها واللي لازم يعرفو الكل أنها بداية تجارة ستروج في بانياس وسيكون منفذي هذه الجريمة بمثابة مرجع استشاري متخصص بإزالة إشارة الآثار عن المباني القديمة تمهيداً لهدمها بالإستعانة بالنفوذ والمال بغاية المال
وهنا علينا أن نتخيل الأهالي المتمسكين بالبلد منذ عقود رغم التلوث والسبب في ذلك ملكياتهم الغير قابلة للتعديل وشبه مستحيلة البيع وهم يبيعونها للمتخصصين والذين بدورهم سيشترون البلد بأموالهم وعلاقاتهم وربما يبيعونها بعد ذلك للشيطان بإسم الملكية وحق الملكية
الموضوع اخطر من التصورات وفي الأزمة المالية التي تمر بها البلد حال بلدان العالم كلها رح يكون البيع بسهولة ويسر والهدم أسهل وأيسر فيما لو بقينا صامتين
ألا قد بلغت
.
.
دمتم

صورة حية للجريمة

شكرا الك صديقي الأسيف
انت صديق لبانياس وبتعرف شو اهمية هالمعلم ومجرد كونك تذكروتو هالشي بيدل على كونه معلم حقيقي بالبلد
تأكد بأنو هالقصة ما رح تمر من غير عزا
.
.
دمتم

الله المعين وهو المستعان على قضاء الحوائج
الموضوع ولله الحمد صار عند كافة الجهات الرسمية
يعني انا متابع الموضوع مع الادارة من البداية
لهيك بشرى لجميع الأعضاء
ان المور تسير على قدم وساق وتم مراسلة جميع الدوائر الرسمية المختصة
كما تم مراسلة بعض المحطات الفضائية
والادارة في الها زيارة لمديرية الآثار والمتاحف بدمشق
بتقدم فيها تقرير مفصل عن المبنى ووضعو مع الفديو المصور لعمليةالهدم
والله ولي التوفيق
شكرا

مضى أسبوع على هدم المعلم من قبل مافيا الآثار في بانياس الساحلية (قصر تحوف) القصر الفرنسي
ليس لكم أن تترحموا عليه وإنما كونوا على ثقة مطلقة أن الأمر اصبح على أعلى المستويات المسؤولة ولن يمر بسهولة بل على العكس سيكون غلطة الشاطر او ما يسمى (القشة التي قصمت ظهر البعير) كما يقال في المثل الشعبي
الاسبوع القادم ستتضح كل الخيوط وتبدأ التحقيقات وتتوالى المصائب على الجناة فترقبوا يا محبي هذا البلد
.
.
دمتم على يقين

التحقيقات كشفت عن وجود تغييرات بالسلم الوظيفي في البلدية لتسهيل عملية ترخيص الهدم وما بعدها
العمليات تمت قبل أيام قليلة من الحادثة وكل من يعرف التفاصيل يؤكد حقيقة النية خلف هذه التغييرات
هذا يؤكد تورط البلدية بالموضوع مع الأسف
قريباًَ التفاصيل والأسبوع القادم ستوضع النقاط على الحروف
.
.
دمتم معنا