اليوم كنت مع العيلة بالبرج وكان مشوار غداء ممتع جداً وبعدها مباشرة طلعت مع الأصدقاء الى منطقة سهم البحر في زيارة للبحر وللمشرف المهندس فراس قدور والصراحة الزلمي ما قصر معنا بنوب لا بخصوص الشاي ولا بخصوص المتة ويا ريت الكل يجرب زيارة منطقة السيطرة للأستاذ فراس قدور والتي هي منطقة سهم البحر السياحية
وطبعا خلال كل هالمشوار ما زعجني دخان المحطة وبالعكس كانت الفكرة انو منطقة البرج الرياح فيها متواصلة وشحوار المحطة ما بيأثر فيها أبداً ولا على سهم البحر ما في شي اسمه شحوار محطة شاغل بالنا ونحنا قاعدين بالهوايات حتى الساعة 10
بينما البيوت البلاستيكية اللي عم تزحف عالبرج من تحت لفوق وعلى البحر من البر للشط طبيعي زاعجتني وبدي لاقيلها حل يا ريت تكونوا معي بالبحث عن حل وبدائل

بدي خبر الكل وزارة السياحة خلال شهور قليلة رح تصدر عنها بالتعاون مع الإدارة المحلية مخططات ساحل طرطوس السياحية ورح تكون فيها تصنيفات سياحية للمنطقة الساحلية اي الشريط الساحلي وباقي المحافظة طبعاً .. المهم هون انها بعد صدورها رح تبدأ البنوك العامة والخاصة تعطي قروض استثمارات سياحية كبيرة كخطوة اولى للتحول للسياحة كبديل عن هالمظاهر السيئة والمشوهة للبلد من بيوت بلاستيكية الى محطات ومصافي .. والله ولي التوفيق
.
.
.
ودمتم بلا شحوار

ماعاد أعرف شو بدي أكتب من كتر الردود اللي انذكرت بس ياعبد الي شو في وسيلة للدخل حاليا بالساحل ممكن تجيب مصاري أكتر من البيوت البلاستيكية
بعدين ما عما تلاحظ انو هالبيوت البلاستيكية هي اللي عما تنشط حركة الشغل بجميع المجالات

نحنا هلق عم نحكي عن منظرها ووجودها بكل فراغ
هلق للواقع مافي شي مربح بالنسبة الي عم يشتغل فيها وصار بيفهم فيها
بس انو يا اخي نظمو اماكن البيوت البلاستيكية مو كيف ما كان ووين ما كان طلاع على القلعة وشوف في شكل هندسي بالعالم مو معبر عنو البيوت البلاسيكية فوق بعضها مربعات دوائر معيييين
يعني اذا بيطلع بإيدهون يعملو بيوت بلاستيكية طوابق او فوق السطح ما حدا بيقصر
الله يرزق الجميع

عزيزي السيد عبد ...



فعلاً ان منظر الساحل (منطقة بانياس) من قلعة المرقب او من قرية ضهر صفرا يجعلك تنبهر !!! من انعكاس الشمس على البيوت البلاستيكية التي شوهت طبيعة ساحل بانياس وبالتالي الساحل السوري .

لكن قبل ان نفرح كثيراً بالخبر حول مشروع وزارة السياحة على الساحل في محافظة طرطوس علينا ان نعرف هل ستقوم منشآت سياحية تراعي المحيط البيئي في هيئتها وشكلها بدلاً من الكتل الاسمنتية الغريبة عن بيئتها والمشوهة لكل شيء حولها ؟ وهل ستراعي هذه المنشآت الشروط البيئية والصحية دون ان تلوث الشاطئ والبحر ؟ والاهم هل سيستطيع المواطن العادي !!! الدخول على هذه المنشآت او حتى يبقى له مساحة بسيطة من شاطئ حر لا يضطر الى دفع اموال باهظة لممارسة السباحة .

تحياتي ...

شكراً لكم أصدقائي
أستاذ بطرس تساؤلاتك أكثر من مسؤولة وتدل على معرفة وفهم واهتمام حقيقي وهي أول مساهماتك
شكراً جزيلاً لك وأهلاً بك في أسرة بانياس الساحل
بخصوص تساؤلاتك
طبعاً الإهتمام بالبيئة والطبيعة والشروط الصحية هي مسؤولية المسؤول والمستثمر والمواطن العادي ونحن كمشاريع إعلاميين من واجبنا ملاحقتهم ومتابعة هذه الأمور
بخصوص حقوق المواطنين بالاستفادة من هذه المشاريع بتكلفة مناسبة هي من أولويات وواجبات الحكومة ومعلوماتي تؤكد تركيز الحكومة على هذه الأمور في نهجها التحول للإقتصاد (الحر الإجتماعي)
.
.
ودمتم